Эрвел Семон – марий калыкын ушыжо, чапше да тӱсшӧ

ЭрВел Семен

ЭрВел Семен

17-19 апрельыште Марий Элыш Мишкан район Тынбай ял гыч кумдан палыме марий мер пашаеҥ ЭрВел Семен толын кайыш.

Палемдена, тудо лӱмынак кугу сомыл дене толын – Марий самырык театрын режиссёржо, Марий Эл тӱвыран сулло пашаеҥже, Тынбай ялеш шочын кушшо тале марий Олег Иркбаев-Этайным 60 ияш лӱмгечыж дене саламлаш. Усталык кас манмашке южгунамже Марий кундемысе районла гыч шке землякыштым саламлаш толаш ӧрканыше чиновник-влакын койышыштым шотыш налын, Пошкырт кундемысе мер толкын вуйлатыше, вашке ынде 70 ийышкат шуаш етшыше  С.Новиковын поступокшылан ӧраш да кугешнаш гына кодеш. Да тиде икымше гана огыл. Тений идалык тӱҥалтыште тудо тыгак «Марий ушем» вуйлатыше Владимир Козловым саламлаш Пошкырт кундем гыч шумеш лӱмынак толын коштын ыле.